لأني بحبك ودا مش كلام ... متصحي يا شعبي وبطل تنام..!
حياتك سكوتك.. وخوفك مماتك.. متغضب لذاتك ولو في المنام
كرامتك مهانة.. وراضي الإهانة.. وكل اللي عايشه كلام في كلام..!
مغمض عيونك.. وكاتم شجونك.. وراضي ضميرك وكله تمام..!
بتاكل.. وتشرب.. وتضحك لتهرب وكل اللي همك رغيف والسلام.!
رغيفك مسمم.. مخلط بذنبك.. كرامتي وكرامتك. قتلها النظام
ملكشي في بكرة.. وعايش في ذكره.. وكل اللي شغلك هتآكل بكام..!
لأني بحبك وخلص الكلام .. سؤال او تعبني بتعرف تنام.....؟
شعر: ابن النيل
